23 Fevral 2024

VERGİLƏR

SOSİAL-İQTİSADİ ONLAYN QƏZET

Startaplara verilən güzəştlər biznesin inkişafı məqsədi daşıyır

İqtisadi islahatların həyata keçirilməsində xüsusi rolu olan fəaliyyətlərdən biri də startaplardır. Startapların stimullaşdırılması üçün qanunvericilikdə nəzərdə tutulan məqamları hüquqşünas Şəhriyar Həbilov şərh edib.

Vergi Məcəlləsinin 13.2.80-ci maddəsinə əsasən, startap – innovativ təşəbbüsə əsaslanaraq həyata keçirilən, müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş meyarlara cavab verən və mikro, kiçik və orta sahibkarlığın inkişafını dəstəkləyən müvafiq icra hakimiyyəti orqanının müəyyən etdiyi orqan (qurum) tərəfindən "Startap" şəhadətnaməsi verilmiş şəxslərin həyata keçirdiyi sahibkarlıq fəaliyyətidir.

Qanunvericilikdə qeyd olunan müvafiq icra hakimiyyəti orqanı Kiçik və Orta Biznesin İnkişafı Agentliyidir (KOBİA). Hazırda "Startap şəhadətnaməsinin verilməsi meyarları"nın təsdiq edilməsi üçün müvafiq tədbirlər icra olunmaqdadır.

Startaplar, adətən, mikro və ya kiçik sahibkarlıq subyektləri kimi fəaliyyətə başlayırlar. Ona görə də qanunvericilikdə həmin subyektlər üçün xüsusi müddalar, güzəştlər nəzərdə tutulub. Vergi Məcəlləsinin 102.1.31-ci maddəsində göstərilir ki, mikro və ya kiçik sahibkarlıq subyekti olan və fərdi sahibkar kimi fəaliyyət göstərən startapların "Startap" şəhadətnaməsi aldığı tarixdən innovasiya fəaliyyətindən əldə etdikləri gəlir 3 il müddətinə gəlir vergisindən azaddır. Məcəllənin 106.1.23-cü maddəsində isə qeyd olunub ki, mikro və ya kiçik sahibkarlıq subyekti olan və hüquqi şəxs kimi fəaliyyət göstərən startapların "Startap" şəhadətnaməsi aldığı tarixdən innovasiya fəaliyyətindən əldə etdikləri mənfəəti 3 il müddətinə vergidən azad edilir. Bu, işə yeni başlayan sahibkarlar üçün çox önəmli üstünlüklərdir. Vergi güzəştindən qənaət edilən vəsaitlər biznes sahəsinin inkişafına yönəldilə bilər ki, bu da yeni texnoloji xidmətlərin meydana çıxmasına təkan vermiş olar.

VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır? VergiHansı halda şirkət sadələşdirilmiş verginin ödəyicisi olmaq hüququnu saxlayır? VergiHesabın bağlanılması və digər filialda yeni hesabın açılması üçün banka təkrar müraciət olunmalıdırmı?