28 Mart 2024

VERGİLƏR

SOSİAL-İQTİSADİ ONLAYN QƏZET

Güzəştlər investisiyaların artımına şərait yaradacaq

Hazırkı mürəkkəb şəraitdə vergi qanunvericiliyində dəyişikliyin edilməsi və tətbiqi ölkə iqtisadiyyatının dayanıqlığının qorunmasına xidmət edir.

İqtisadçı ekspert Elşad Məmmədov qeyd edib ki, bütövlükdə dünya iqtisadiyyatında işgüzar fəallığın kəskin şəkildə zəifləməsi ilə bağlı proseslər Azərbaycandan da yan keçmir. Bu halda, iqtisadiyyatda dövlətin dəstəkləyici mexanizmlərinin gücləndirilməsinə ciddi ehtiyac vardır. Vergi güzəştləri bu istiqamətdə atılan mühüm addımlardan biridir.

Mənfəət vergisi ilə bağlı güzəştlər işgüzar fəallığın aktivləşdirilməsinə, dayanıqlığın qorunmasına xidmət etməklə yanaşı, investisiyaların artımına şərait yaradacaq. Digər tərəfdən, pandemiya ilə bağlı bu gün problemlər yaşayan bir qrup sahibkarın əmlak və torpaq vergisindən azad olunması iqtisadi aktivlik üçün çox mühümdür. İctimai iaşə, sərnişindaşıma kimi sahələrdə vergi güzəştlərinin tətbiq olunması onu deməyə əsas verir ki, dövlətin dəstək mexanizmi biznesin qorunmasına istiqamətlənib.

Mikro sahibkarlıq subyektlərinin diqqətdə saxlanılması sosial baxımdan da çox vacibdir. Çünki bu sektor həm sosial nöqteyi-nəzərdən, həm də bütövlükdə hazırkı iqtisadi təzyiqlər baxımından əhalinin və biznesin kifayət qədər həssas hissəsidir.

Hökumət tərəfindən həyata keçirilən tədbirlər bütövlükdə milli iqtisadiyyatımızın hazırkı mürəkkəb şəraitdə dayanıqlığının qorunmasına xidmət edir. Hesab edirəm ki, pul-kredit siyasəti ilə bağlı dəstək mexanizmlərinin daha aktiv şəkildə tətbiq olunması ölkədə milli iqtisadi inkişafı baxımından dayanıqılığın təmin olunmasına şərait yaratmalıdır.

Fərqanə ALLAHVERDİQIZI

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb