14 Noyabr 2019

VERGİLƏR

SOSİAL-İQTİSADİ ONLAYN QƏZET

Oktyabr ayında dövlət büdcəsinə gömrük daxilolmaları artıb

Bu ilin oktyabr ayında Dövlət Gömrük Komitəsinin (DGK) xətti ilə dövlət büdcəsinə 395,211 milyon manat vergi və rüsumlar daxil olub ki, bu da ötən ilin eyni dövrü ilə müqayisədə 17,088 milyon manat və yaxud 4,5 faiz çoxdur. DGK-dən verilən məlumata görə, hesabat ayında dövlət büdcəsinə daxil olan gömrük rüsumlarının həcmi ötən ilin analoji ayı ilə müqayisədə 17,550 milyon manat və yaxud 18,8 faiz artaraq 110,802 milyon manat olub.

Həmçinin, ƏDV üzrə daxilolmalar 1,175 milyon manat və yaxud 0,4 faiz artaraq 264,861 milyon manat, aksizlər üzrə daxilolmalar 709 min manat və yaxud 4,3 faiz azalaraq 15,831 milyon manat, yol vergisi üzrə daxilolmalar isə 928 min manat və yaxud 20 faiz azalaraq 3,717 milyon manat təşkil edib.