Azərbaycan hökuməti 2021-2023-cü illər üçün dünya bazarlarında neftin bir barelinin orta qiymətini 55 ABŞ dolları səviyyəsində proqnozlaşdırır. "APA-Economics"in Azərbaycan Respublikasının 2020-ci il dövlət büdcəsinin zərfinə istinadən verdiyi məlumata görə, 2019-cu il üçün bu göstərici 60 dollar, 2020-ci və növbəti iki il üçün isə 55 dollar səviyyəsində olacağı gözlənilir.

Ötən il dünya bazarlarında neftin bir barelinin orta qiyməti 71,1 dollar civarında olub.