Azərbaycan və İtaliya biznes dairələri arasında əməkdaşlığın gücləndirilməsi perspektivləri nəzərdən keçirilib
“İtaliyaya işgüzar səfərimiz çərçivəsində bu ölkənin şirkətlər və “Made in Italy” naziri Adolfo Urso ilə keçirdiyimiz görüşdə sənaye, ticarət və investisiya sahələrində tərəfdaşlığımızın genişləndirilməsi imkanlarını müzakirə etdik. Kritik minerallar, metallurgiya və rəqəmsal texnologiyalar üzrə birgə layihələr, İtaliya şirkətlərinin ölkəmizdə istehsal layihələrində və texnologiya transferində iştirakı barədə fikir mübadiləsi apardıq. Sənayenin modernləşdirilməsinə xidmət edən təşəbbüslərin maliyyələşdirilməsi və biznes dairələri arasında əməkdaşlığın gücləndirilməsi perspektivlərini nəzərdən keçirdik”.
Bu barədə iqtisadiyyat naziri Mikayıl Cabbarov sosial media hesablarında paylaşım edib.
