Azərbaycan Mərkəzi Bankının sədri Taleh Kazımov Koreya Respublikasına işgüzar səfəri çərçivəsində bu ölkənin Maliyyə Nəzarət Xidmətinin (KMNX) sədri Li Çanjin ilə görüşüb.

Bu barədə Mərkəzi Bankın sədri sosial şəbəkə hesabında yazıb.

Bildirilib ki, görüşdə hər iki ölkənin maliyyə sektorunun cari vəziyyəti, bu sahələrdə aparılan islahatlar, eləcə də sektorun inkişafı istiqamətində görülən işlər müzakirə edilib. Bununla yanaşı, bank, kapital bazarı və sığorta sektorlarında texnoloji həllərin və qabaqcıl nəzarət metodologiyalarının tətbiqi üzrə fikir mübadiləsi aparılıb, iki qurum arasında gələcək əməkdaşlıq imkanları və birgə təşəbbüslər barədə danışılıb.