İqtisadiyyat naziri Mikayıl Cabbarov 1-ci Azərbaycan Beynəlxalq İnvestisiya Forumunda iştirak çərçivəsində "MAN Truck & Bus SE" şirkətinin baş icraçı direktoru Aleksandr Vlasskamp ilə görüşüb.

Görüşdə vurğulanıb ki, Azərbaycan ekoloji təmiz və səmərəli elektrik nəqliyyat vasitələrinin yerli istehsal potensialının genişləndirilməsinə mühüm önəm verir. Bu məqsədlə beynəlxalq tərəfdaşlarla əməkdaşlıq münasibətləri gücləndirilir.

Tərəflər sənaye və ticarət sahələrində, o cümlədən elektrik nəqliyyat vasitələri istehsalının lokallaşdırılması istiqamətində əməkdaşlıq imkanlarını nəzərdən keçiriblər.