Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Hərracların Təşkili Mərkəzi” publik hüquqi şəxs tərəfindən muxtar respublikanın 10 bələdiyyəsinə məxsus 8 torpaq sahəsinin mülkiyyətə, 5 torpaq sahəsinin isə icarəyə verilməsi ilə bağlı hərrac keçirilib.

Dövlət Xidmətinin məlumatına görə, rəqabətli keçən hərrac prosesində qeydiyyatdan keçən 26 sifarişçi iştirak edib. Nəticədə hərraca çıxarılan 8 torpaq sahəsi mülkiyyətə, 5 torpaq sahəsi isə icarəyə verilib. 13 sahibkar hərracın qalibi olub.

Diqqətə çatdıraq ki, bələdiyyə mülkiyyətində olan torpaq sahələrinin növbəti hərracı 22 iyul 2025-ci il tarixdə Heydər Əliyev prospekti, 06 ünvanında yerləşən Hərracların Təşkili Mərkəzinin inzibati binasında təşkil olunacaq.

Ətraflı məlumatı Əmlak Məsələləri Dövlət Xidmətinin http://emlak.nakhchivan.az/ və “Hərracların Təşkili Mərkəzi” publik hüquqi şəxsin http://auksion.nmr.az rəsmi saytlarından əldə etmək olar.