15 İyul 2024

VERGİLƏR

SOSİAL-İQTİSADİ ONLAYN QƏZET

Türk İnvestisiya Fondunun təsis iclası keçirilib

Mayın 18-də İstanbulda Türk İnvestisiya Fondunun təsis iclası keçirilib.

İclasda fəxri qonaq qismində çıxış edən Türkiyənin vitse-prezidenti Cevdet Yılmaz Fondun təsis olunmasında payı olan qardaş türk dövlətlərinin nümayəndələrini təbrik edib, Türkiyə Prezidenti cənab Rəcəb Tayyib Ərdoğanın səmimi salamlarını və təbriklərini çatdırıb.

Cevdet Yılmaz Fondun məqsədinin türk dövlətləri coğrafiyasının daha firavan gələcəyi üçün iqtisadi inkişafına ən yüksək töhfə verəcək şəkildə dəstəkləmək və maliyyə davamlılığını qorumaq olduğunu diqqətə çatdırıb.

Qeyd edilib ki, Türk İnvestisiya Fondunun fəaliyyətə başlaması ölkələrimiz arasında daha geniş iqtisadi əməkdaşlığa və inteqrasiyaya doğru atılmış tarixi addımdır. Fond xalqlarımız arasında birliyin və əməkdaşlığın, iqtisadi əlaqələrimizi dərinləşdirmək əzmimizin mühüm rəmzidir.

Türk İnvesitiya Fondunun prezidenti Bağdad Amrayev bildirib ki, Türk İnvestisiya Fondunun yaradılması ölkələrimiz arasında iqtisadi əlaqələrin davamlı inkişafın təşviqinə xidmət edir. Fondun etimad, əməkdaşlıq və ortaq rifaha əsaslanan daha parlaq gələcəyə doğru birgə çalışmaq əzminin sübutu olduğuna diqqət çəkən Amreyev qeyd edib ki, ölkələrimizə sərmayə qoyaraq, Türk dünyasında iqtisadi inteqrasiyanı dəstəkləyəcək bir mexanizm olmağı hədəfləyir.

Qazaxıstan Respublikası Baş nazirinin müavini - milli iqtisadiyyat naziri Nurlan Baybazarov Fondun fəaliyyətə başlaması münasibəti ilə təbriklərini çatdırıb. Ölkəsinin türk dövlətləri ilə əməkdaşlığa verdiyi önəmi bildirib, ölkələrimiz arasında iqtisadi, sosial və humanitar sahələrdə əməkdaşlığın daha da dərinləşdirilməsi istiqamətində fikirlərini bölüşüb.

Türkiyə, Azərbaycan, Qazaxıstan, Qırğızıstan və Özbəkistan tərəfindən yaradılmış Türk İnvestisiya Fondunun təsis iclasında çıxış edən Türkiyə Respublikasının maliyyə və xəzinə naziri Mehmet Şimşək bildirib ki, türk dövlətlərinin 2024-cü ilin sonuna qədər 1,9 trilyon dollarlıq iqtisadi böyüklüyə və 178 milyon əhaliyə çataraq dünya iqtisadiyyatında mühüm yer qazanacağı gözlənilir. Fondun iqtisadi rəqəmləri haqqında məlumat verən nazir qeyd edib ki, Fond 500 milyon dollar nizamnamə kapitalı ilə qurulur. Türk İnvestisiya Fondu həm dövlət, həm də özəl sektor investisiyalarını sürətləndirəcək. Bundan əlavə, Fond bir çox sahələrdə layihələrə texniki dəstək verəcək. İnfrastruktur, bərpa olunan enerji, kənd təsərrüfatı və turizm kimi bir çox sahələrə investisiyaların artırılmasında mühüm rol oynayacaq və davamlı iqtisadi inkişafa töhfə verəcək.

Azərbaycan Respublikasının iqtisadiyyat nazirinin birinci müavini Elnur Əliyev bildirib ki, Azərbaycan hər zaman türk dövlətləri ilə əməkdaşlığı yüksək qiymətləndirir, türk dünyasındakı inteqrasiya proseslərinə dəstək verir. Elnur Əliyev qeyd edib ki, təsadüfi deyil ki, Azərbaycan Respublikasının Prezidenti 2024-cü ilin 14 fevral tarixindəki andiçmə mərasimində Azərbaycanın beynəlxalq təşkilatlarla əməkdaşlığından danışarkən TDT-nin Azərbaycan üçün əsas beynəlxalq təşkilat olmasını, Türk dünyasının ailəmiz olduğunu vurğulamış, TDT-yə üzv olan bütün ölkələrlə qardaşlıq münasibətlərimizin olduğunu və bizim siyasətimizin TDT-ni gücləndirmək olduğunu bildirmişdir.

Diqqətə çatdırılıb ki, Azərbaycanın Qazaxıstan, Qırğızıstan və Özbəkistanla sərbəst ticarət sazişləri qüvvədədir ki, bu da həmin ölkələrlə idxal gömrük rüsumlarının qarşılıqlı ləğvini nəzərdə tutur. Həmçinin Türkiyə ilə 2020-ci ildə Preferensial Ticarət Sazişi və 2023-cü ilin aprel ayında isə Sazişin əhatə etdiyi məhsul siyahısının genişləndirilməsi məqsədilə əlavə protokol imzalanıb. Qeyd olunan addımlar gələcəkdə Azərbaycanın üzv dövlətlərlə ticarət dövriyyəsinin həcminin artmasına və dolayısı ilə iqtisadi aktivliyin yüksəlməsinə şərait yaradacaqdır.

Özbəkistanın investisiya, sənaye və ticarət naziri Ləziz Kudratov türk dövlətləri arasında iqtisadi-ticarət əlaqələrinin genişləndirilməsi, qarşılıqlı investisiya qoyuluşunun təşviqi, birgə layihələrin həyata keçirilməsi barədə fikirlərini bölüşüb, Fondun bu istiqamətdə reallaşdırılacaq təşəbbüslərə mühüm tövhə verəcəyinə əminliyini ifadə edib.

İclasda gündəlikdə duran məsələlərin müzakirəsi ilə yanaşı Fondla Türkiyə Respublikası arasında "Ev Sahibi Ölkə Müqaviləsi" imzalanıb. Bundan başqa, Azərbaycandan namizədliyi təqdim edilmiş Ramil Babayev Fondun Baş direktoru seçilib.

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?