14 İyul 2024

VERGİLƏR

SOSİAL-İQTİSADİ ONLAYN QƏZET

Mustafa Aydın: “Türk coğrafiyasındakı iqtisadi güclər bir araya gəlsə, ÜDM-i dəfələrlə artırmaq mümkündür”

“Ölkələrin iqtisadiyyatları nə qədər güclüdürsə, siyasətdə də bir o qədər uğurlu olurlar. Türk coğrafiyasındakı iqtisadi güclər bir araya gəldiyi halda, ümumi daxili məhsul istehsalımızı 5-6 dəfə artıra bilərik”.

Bu fikri “Azərbaycan iqtisadiyyatı” Teleqram kanalına açıqlamasında Beynəlxalq Françayzinq Assosiasiyasının sədri Mustafa Aydın söyləyib.

Onun sözlərinə görə, Türk Dövlətləri İqtisadi Forumu kimi toplantıların tez-tez keçirilməsi birgə səylərin və qarşılıqlı əməkdaşlığın möhkəm təməllər üstündə qurulmasına təkan verəcək: “Bu tədbirlər çox önəmlidir. İnsanların görüşməsi, düşüncələrini paylaşması yaxın gələcəkdə bu hədəflərin reallaşmasına yol açacaq. Hər şeyin bir başlanğıcı olmalıdır. Bu görüşlər türk dövlətləri arasında əlaqələrin zamanla daha da irəlilələyərək ortaq iş birliklərinin, kommunikasiyaların qurulmasını təmin edir. Bu cür forumları bütün türk respublikalarında keçirməklə daha çox işbirliyinin, sinerjinin, ortaq bizneslərin qurulmasına nail olmalıyıq. Çünki artıq 21-ci əsr işbirliyi, kommunikasiya dövrüdür”.

Türk dövlətlərində keyfiyyətli məhsullar istehsal edildiyini vurğulayan Mustafa Aydın onların brendləşdirilməsinin vacibliyini qeyd edib: “Əgər hazırladığın məhsul brend, marka olmazsa, onu istehsal etməyin anlamı da olmaz. Ona görə də birgə işlər qurularkən brendlərin yaradılmasına da önəm verilməlidir. İllərdir Türkiyədə mallar istehsal edilir, ikinci ölkə onu alır, üzərinə öz brendini vurur və daha baha qiymətə satır. Lakin bunu özümüz də edə bilərik. Türk dövlətlərində çox keyfiyyətli tekstil məhsulları istehsal edilir. Bundan əlavə, şüşə əşyalar, maşınlar istehsal olunur, xidmət və qida sektorunda da üstünlüklərimiz var”.

Fərqanə ALLAHVERDİQIZI

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?