Bu ilin yanvar-fevral aylarında ölkədə 731,6 min ton beton istehsal olunub.

"Azərbaycan iqtisadiyyatı" Teleqram kanalının Dövlət Statistika Komitəsinin hesabatı əsasında apardığı hesablamalara görə, ötən ilin eyni dövrünün göstəricisi ilə müqayisədə betonun istehsal həcmi 59,7 faiz və ya 273,6 min ton artıb.

Cari ilin yanvar ayı ilə müqayisədə isə fevralda istehsal həcmində 16,2 faiz və ya 55 min ton artım qeydə alınıb. Fevral ayında ölkədə 393,3 min ton beton istehsal olunub.