Operativ məlumata əsasən, 2023-cü il üçün dövlət büdcəsinin gəlirləri 33890,5 mln. manat proqnoza qarşı 5,0 faiz və ya 1684,3 mln. manat artıq icra olunaraq 35574,8 mln. manat təşkil edib. Bu, 2022-ci illə müqayisədə 4895,2 mln. manat və ya 16,0 faiz çoxdur.

Maliyyə Nazirliyinin məlumatına əsasən, qeyri-neft sektoru üzrə daxilolmalar dövlət büdcəsi gəlirlərinin 49,0 faizini təşkil etməklə (proqnoza nisbətən 1,3 faiz bəndi çox, 2022-ci illə müqayisədə isə 1,0 faiz bəndi az) 17418,4 mln. manat məbləğində icra edilib ki, bu da proqnozla nəzərdə tutulduğundan 1267,6 mln. manat (7,8 faiz), 2022-ci illə müqayisədə isə 2068,4 mln. manat və ya 13,5 faiz çoxdur.