2023-cü il ərzində dövlət satınalmalarının həcmi 7,5 milyard manat, sayı isə 12,4 mindən çox olub ki, bu da bir il öncəki göstəricini müvafiq olaraq 11,3 faiz və 3,1 faiz üstələyir.

"Azərbaycan iqtisadiyyatı" Teleqram kanalı xəbər verir ki, bu barədə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin 2023-cü ildə fəaliyyətinin yekunlarına həsr olunmuş mətbuat konfransında Xidmətin rəisi Məmməd Abbasbəyli deyib.

Onun sözlərinə görə, hesabat ilində dövlət satınalmalarında orta iştirakçı sayı 3,9 olub. “Bildiyiniz kimi, qanunda minimum iştrakçı sayı 3 hesab olunur. İslahatlar aparıldıqca dövlət satınalmalarındakı iştirakçı sayı artacaq ki, bu da rəqabətliliyin artmasını ehtiva edir",- deyə M.Abbasbəyli əlavə edib.