25 May 2024

VERGİLƏR

SOSİAL-İQTİSADİ ONLAYN QƏZET

Rüfət Bayramov: “Tranzit yükdaşımaların artırılması məqsədilə konkret hədəflər müəyyən edilib”

Prezident İlham Əliyevin imzaladığı Sərəncamla təsdiqlənmiş “Azərbaycan Respublikasının ərazisindən keçən beynəlxalq nəqliyyat dəhlizlərinin tranzit potensialının artırılmasına və tranzit yükdaşımaların təşviqinə dair 2024−2026-cı illər üçün Fəaliyyət Planı”nda tələb olunan prosedurların icrası ölkə ərazisindən keçən yüklərin həcminin əhəmiyyətli şəkildə artmasına imkan verəcək. Bunu “vergiler.az”a TRACECA-nın Hökumətlərarası Komissiyasının Azərbaycan üzrə milli katibi Rüfət Bayramov deyib. Onun sözlərinə görə, 2024-2026-cı illərdə tranzit yükdaşımaların təkmilləşdirilməsini nəzərdə tutan sənəddə konkret hədəflər müəyyən edilib.

R.Bayramov əlavə edib ki, 2021-ci il ilə müqayisədə 2022-ci ildə ölkəmizin ərazisindən keçən tranzit yükdaşımaların (dəmir yolu, dəniz və avtomobil) ümumi həcmi 75 faiz artaraq 10,7 milyon tona çatıb. 2024−2026-cı illər ərzində isə bu həcmin 2022-ci ilə nisbətən 27 faiz artırılaraq 13,6 milyon tona çatdırılması nəzərdə tutulur: “Eyni zamanda, dövlət qurumları tərəfindən həm sərt, həm də yumşaq infrastrukturun təkmilləşdirilməsi, bu sahədə qurumlararası əlaqələrin daha da yaxşılaşdırılması və onların fəaliyyətlərinin bir-biri ilə uzlaşdırılması planlaşdırılır”.

Tranzit yükdaşımaların artırılması məqsədilə Azərbaycanın beynəlxalq müqavilələrlə tərəfdaşı olduğu bütün sistemlərdə fəaliyyətinin gücləndirilməsi, dəmir yollarının bərpası, sərhəd-keçid məntəqələrində gömrük və qida təhlükəsizliyi prosedurlarının təkmilləşdirilməsi və digər tədbirlərin icrası hədəf olaraq müəyyən edilib.

İlhamə İSABALAYEVA

VergiGünlük kirayə verilən evlərə görə nə qədər vergi ödənilməlidir? VergiVergiləri onlayn qaydada necə ödəyək? VergiFiziki şəxsin icarədən gəlirləri hansı formada vergiyə cəlb olunur? VergiPərakəndə satış təşkil edən sahibkar kassa aparatı quraşdırmalıdırmı? VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı