Cari ilin 9-15 noyabr tarixlərində Misir Ərəb Respublikasının Qahirə şəhərində 3-cü Afrikadaxili Ticarət Sərgisi ("IATF 2023") keçiriləcək.

İxracın və İnvestisiyaların Təşviqi Agentliyinin (AZPROMO) məlumatına görə, Azərbaycan sahibkarları sözügedən sərgidə iştirak etməyə dəvət olunurlar.

Afrika İxrac-İdxal Bankı, Afrika İttifaqı və Afrika Kontinental Azad Ticarət Zonasının katibliyinin birgə təşkilatçılığı ilə keçirilən "IATF 2023"də 75-dən çox ölkədən 1600-dən artıq şirkətin iştirak etməsi gözlənilir. Sərgidə avtomobil, qida, səhiyyə və dəb sektorlarında fəaliyyət göstərən şirkətlər üstünlük təşkil edəcək. Bununla yanaşı, investisiya əlaqələrinin qurulması üçün geniş B2B və B2G platformaların yer aldığı tədbirlər də "IATF 2023" çərçivəsində keçiriləcək.

Builki sərgidə iştirak etmək istəyən sahibkarlar aşağıdakı elektron poçt və ya telefon vasitəsi ilə əlaqə saxlaya bilərlər:

E-mail: [email protected]

Tel.: (+994 12) 598 01 47/48 (daxili 3629)

Mob.: (+994 50) 739 95 38

Əlaqələndirici şəxs: Sənan Səftərov