Bu ilin yanvar-iyun aylarında milli ödəniş sistemləri (AZİPS, XÖNKS, AÖS) vasitəsilə aparılan tranzaksiyaların ümumi həcmi 263 677,3 milyon manat, sayı isə 68 474,9 min ədəd təşkil edib.

“vergiler.az”ın Azərbaycan Mərkəzi Bankının hesabatı əsasında apardığı hesablamalara görə, ötən ilin eyni dövrünə nisbətdə aparılan əməliyyatların həcmində 2 dəfə, sayında isə 76 faiz artım qeydə alınıb.

Cari ilin may ayına nisbətdə isə iyunda aparılan əməliyyatların ümumi həcmi 14,4 faiz (7,153 milyon manat) azalaraq 42 641,4 milyon manat, sayı isə 3,2 faiz (414,9 min ədəd) azalaraq 12 432,6 min ədəd təşkil edib.

Qeyd edək ki, cari ilin ilk 6 ayında AZİPS vasitəsilə 951,8 min əməliyyat üzrə 240 962,4 milyon manat, XÖNKS vasitəsilə 67 240,3 min əməliyyat üzrə 22 101,6 milyon manat, AÖS ilə isə 282,8 min əməliyyat üzrə 613,3 milyon manat həcmində ödəniş həyata keçirilib.