MDB Hökumət Başçıları Şurasının iyunun 8-də Soçidə keçiriləcək iclasının gündəliyi 15 bənddən ibarətdir.

“vergiler.az” Belarus mətbuatına istinadən xəbər verir ki, bu barədə MDB-nin baş katibi Sergey Lebedev deyib.

Onun sözlərinə görə, gündəliyin ən mühüm bəndi xidmətlərin azad ticarəti haqqında sazişdir.

“Bu saziş üzərində iş 10 ildən artıqdır ki, aparılır. Biz çox ümid edirik ki, xidmətlərin azad ticarəti haqqında saziş imzalanacaq. Ən azından belə bir ümidimiz var və bunun üçün əsaslar mövcuddur. Bu, MDB Hökumət Başçıları Şurasının qarşıdan gələn iclasının əsas məsələsidir”, - deyə S.Lebedev qeyd edib.