Bu ilin yanvar-mart aylarında ölkədə 6 995,1 ton kolbasa məmulatları istehsal edilib ki, bu da ötən ilin eyni dövrünün göstəricisini 9,1 faiz və ya 583 ton üstələyir.

"vergiler.az"ın Dövlət Statistika Komitəsinin hesabatı əsasında apardığı hesablamalara görə, cari ilin fevral ayı ilə müqayisədə martda artım 11,8 faiz və ya 271 ton təşkil edib.

Mart ayında 2 569,3 ton kolbasa məmulatları istehsal olunub. Aprel ayının 1-nə hazır məhsul ehtiyatı 32,7 ton təşkil edib.

Qeyd edək ki, 2022-ci ildə ölkədə 27 176,0 ton kolbasa məmulatları istehsal olunub ki, bu da bir il öncəki göstəricidən 2 498,0 ton və ya 10,1 faiz çoxdur.