2022-ci ildə ikiqat artıma baxmayaraq, Tatarıstan və Azərbaycan arasında ticarət dövriyyəsinin artım potensialı böyükdür.

Bu barədə “Azərbaycan iqtisadiyyatı” Telegram kanalına Tatarıstanın Baş nazirinin müavini, sənaye və ticarət naziri Oleq Korobçenko məlumat verib.

Baş nazirin müavini qeyd edib ki, gəmiqayırma, neft-kimya, kiçik və orta biznes sahələrində əməkdaşlıq perspektivləri var.

"Bu gün ticarətin həcmi təqribən 130 milyon dollardır. Biz bu rəqəmi ən azı yarım milyard dollara çatdırmalıyıq. İrəlidə görüləcək çox iş var və bizim müəssisələrimiz buna hazırdır. Ticarət və Sənaye Palatası çərçivəsində Azərbaycan nümayəndə heyəti ilə keçirilən işgüzar görüşlər, hesab edirəm ki, ən qısa zamanda öz bəhrəsini verəcək”, - O.Korobçenko əlavə edib.