İqtisadiyyat Nazirliyində Avropa Yenidənqurma və İnkişaf Bankının (AYİB) və aidiyyəti dövlət qurumlarının nümayəndələrinin iştirakı ilə Gəncə şəhəri üzrə “Yaşıl şəhər” Tədbirlər Planının hazırlanması ilə bağlı yaradılan İdarəedici qrupun növbəti iclası keçirilib.

Nazirlikdən “vergiler.az”a verilən məlumata görə, iclasda iqtisadiyyat nazirinin müavini Sahib Məmmədov AYİB ilə birgə həyata keçirilən layihələrin ölkənin “yaşıl” inkişaf hədəflərinə çatmasına töhfə verdiyini qeyd edib. Tədbirdə “Yaşıl şəhər” Tədbirlər Planı üzrə görülən işlər, əldə olunan nəticələr, təklif olunan strateji yanaşmalar barədə müzakirələr aparılıb.