Kiçik və Orta Biznesin İnkişafı Agentliyi (KOBİA) Almaniyanın Beynəlxalq Əməkdaşlıq Cəmiyyəti (GİZ) ilə birlikdə “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində 2023-2024-cü illər üçün 4 mövzu üzrə müsabiqə elan edib.

KOBİA-dan “vergiler.az”a verilən məlumata görə, mövzular “İqtisadi kooperasiya”, “Sənaye 4.0”, “Yaşıl iqtisadiyyat” və “Ağıllı kənd təsərrüfatı” sahələrini əhatə edir.

İngilis dilində tərtib olunan Proqramın strukturuna 6 həftəlik onlayn təlim, 2 həftəlik Almaniyada təcrübə, 5 aylıq praktiki icra mərhələsi və 2 günlük şəbəkələşmə tədbiri daxildir.

Müsabiqədə iştirak etmək istəyən namizədlər müraciət formasını, müvafiq icazə məktubunu [email protected] e-mail ünvanına (mövzu yerinə "Almaniyada ixtisasartırma kursu" yazmaqla) göndərə bilərlər. Əlavə məlumatı qeyd edilən linklərdən əldə etmək olar (https://bit.ly/3JT0TXf, https://bit.ly/3ZATFwY, https://bit.ly/3TZ7Zhl)

Əlaqələndirici şəxs: Məlahət Kazımova, (+994 12) 404 04 01 / (+994 55) 200 04 57, [email protected].

Qeyd edək ki, proqram Azərbaycan Respublikasının İqtisadiyyat Nazirliyi ilə Almaniyanın Federal İqtisadiyyat və Ətraf Mühitin Mühafizəsi Nazirliyi arasında imzalanmış Anlaşma Memorandumuna uyğun olaraq KOBİA və GİZ tərəfindən birgə həyata keçirilir.