İqtisadiyyat Nazirliyi yanında Əmlak Məsələləri Dövlət Xidməti tərəfindən 4, 11, 12, 18 aprel tarixlərində hərraclar keçiriləcək.

Xidmətdən “vergiler.az”a verilən məlumata görə, aprelin 4-də keçiriləcək hərraca 10 obyekt, aprelin 11-də keçiriləcək hərraca isə 14 obyekt və 33 nəqliyyat vasitəsi çıxarılacaq. Özəlləşdirilməyə çıxarılan dövlət əmlakları arasında yardımçı təsərrüfat, hamam, iaşə obyektləri, mağaza da var.

Aprelin 12-də keçiriləcək hərraca “Azərbaycan Beynəlxalq Bankı” ASC-yə və Əmanətlərin Sığortalanması Fonduna məxsus 4 avtomobil çıxarılıb.

18 aprel tarixində təşkil olunacaq hərracda isə alıcılara 27 nəqliyyat vasitəsi təklif olunur. Bu nəqliyyat vasitələrinin siyahısında ilkin start qiyməti 30 min manat olan gəmi də var.

Hərraca çıxarılan əmlakların tam siyahısı ilə Xidmətin rəsmi səhifəsindən tanış olmaq olar: https://emlak.gov.az/az/cat/3