Azərbaycan Mərkəzi Bankı (AMB) 2023-cü ildə ödәniş kartları ilә aparılan ölkәdaxili әmәliyyatlarda nağdsız dövriyyәnin xüsusi çәkisinin 48%-ә çatdırılmasını hәdәflәyib. “vergiler.az” xəbər verir ki, bu barədə AMB-nin “Rəqəmsal ödənişlər icmalı”nda məlumat verilib. Sənədə əsasən, bu il cari hesablardan aparılan müştәri köçürmәlәrindә elektron bankçılığın xüsusi çәkisi üzrә indikator göstәricisinin 85%-ә, tәmassız ödәnişlәri dәstәklәyәn kartların ümumi bazar payının isə 75%-ә çatdırılması gözlənilir.

Azәrbaycan Mәrkәzi Bankının 2021-2023-cü illәr üçün rәqәmsal ödәniş strategiyası”nın hәdәflәrinә uyğun olaraq, aşağıdakı istiqamәtlәr üzrә tәdbirlәrin icrası davam etdirilәcәk:

1. Rәqәmsal ödәnişlәr üzrә qanunvericiliyin tәkmillәşdirilmәsi vә innovativ hәllәrin tәqdim edilmәsi;

2. Rәqәmsal ödәniş infrastrukturunun әhatә dairәsinin genişlәndirilmәsi;

3. Ödәniş ekosisteminin risk әsaslı tәnzimlәmә vә nәzarәt çәrçivәsinin formalaşdırılması;

4. Rәqәmsal ödәnişlәr üzrә inklüzivliyin artırılması vә mәsafәli bank xidmәtlәrinә universal çıxışın tәmin edilmәsi;

5. Maliyyә savadlığının artırılması, biznes vә әhalinin rәqәmsal ödәniş xidmәtlәrindәn aktiv istifadәyә tәşviq edilmәsi.