22 Noyabr 2026
SOSİAL-İQTİSADİ ONLAYN QƏZET
Rəqəmsal texnologiyalar sahəsində istehlakçı hüquqları ilə bağlı araşdırma aparılır

Rəqəmsal texnologiyalar sahəsində istehlakçı hüquqları ilə bağlı araşdırma aparılır

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti istehlakçı hüquqlarının qorunması ilə bağlı qanunvericilik aktlarına əlavə və dəyişikliklərin edilməsi üçün iş aparır.

Bunu “Azərbaycan iqtisadiyyatı” Teleqram kanalına Dövlət Xidmətinin İstehlakçı hüquqlarının müdafiəsi şöbəsinin müdiri Roman Qaraşov deyib.

Pandemiya zamanı onlayn ticarətin həcminin xeyli artdığını söyləyən R.Qaraşov xidmətlərin göstərilməsi zamanı bir sıra pozuntuların qeydə alındığını da nəzərə çatdırıb.

O əlavə edib ki, hazırda Dövlət Xidməti rəqəmsal texnologiyalar sahəsində istehlakçı hüquqları ilə bağlı ayrıca araşdırma aparır, bu sahədəki beynəlxalq təcrübəni tədqiq edir.

Xidmət rəsmisinin sözlərinə görə, məhz müasir dövrün tələbləri prizmasından yanaşaraq, istehlakçı hüquqları ilə bağlı qanunvericiliyə, xüsusilə “İstehlakçıların hüquqlarının müdafiəsi haqqında” qanuna yenidən baxmaq zəruridir. Bu nəzərə alınaraq, hazırda “Elektron ticarət haqqında” qanunun tələblərinin digər qanunvericilik aktlarına uyğunlaşdırılması istiqamətində iş aparılır. Bu il ərzində “İstehlakçıların hüquqlarının müdafiəsi haqqında”, “Elektron ticarət haqqında” qanunlara, eləcə də istehlakçı hüquqlarına dair digər normativ sənədlərə əlavə və dəyişikliklərin edilməsini nəzərdə tutan layihə paketinin hazırlanması nəzərdə tutulur. Layihədə məhz elektron ticarət zamanı baş verən pozuntuların aradan qaldırılmasına xüsusi diqqət yetirilib: “Məsələn, indi istehlakçılar onlayn qaydada mal alarkən çoxsaylı səhifədən ibarət müqavilə imzalayırlar. Amma real vəziyyət budur ki, onlayn ticarət zamanı məhsulun dəyəri qarşı tərəfə əvvəlcədən ödənilir, istehlakçı sifarişini təhvil alarkən müqaviləni tam oxumadan ona formal olaraq qol çəkir. İstehlakçıya əvvəlcədən ya e-meyllər vasitəsilə məhsul barəsində məlumatlar göndərilməli, ya da bu məlumatlar şirkətin öz saytında yerləşdirilməli və alıcı sayta daxil olaraq, şərtlərlə əvvəlcədən tanış olmalıdır”.

R.Qaraşovun sözlərinə görə, bu gün qüsurlu mallar, xidmətlərlə bağlı müraciətlər çox daxil olur: “Qanunvericilikdə yaratdığı hüquqi nəticələr baxımından hansı məhsulların qüsurlu, hansılarının mühüm qüsurlu olması ilə bağlı bir fərq qoyulmayıb. Telefon üzərində kiçik bir cızıq olduqda da, tamamilə istifadəyə yarasız olduqda da qüsurlu sayılır. Bu səbəbdən belə normalara yenidən baxmaq zərurəti yaranıb”.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?