27 May 2022

VERGİLƏR

SOSİAL-İQTİSADİ ONLAYN QƏZET

Azərbaycan ilə Koreya arasında enerji əməkdaşlığı müzakirə edilib

Energetika naziri Pərviz Şahbazov Koreya Respublikasının Prezidenti yanında Şimali İqtisadi Əməkdaşlıq Komitəsinin nazir statusunda sədri Çong Soo Parkın rəhbərlik etdiyi nümayəndə heyəti ilə görüşüb.

Energetika Nazirliyindən bildirilib ki, iki ölkə arasında iqtisadi-ticarət münasibətlərinin, o cümlədən energetika üzrə əməkdaşlığın hazırkı səviyyəsindən bəhs edən nazir Pərviz Şahbazov bu səfərin enerji sahəsində potensial imkanların reallaşdırılmasına töhfə verəcəyini deyib. Nazir ölkəmizdə neft-qaz sənayesinin inkişafı, bu sahədə regional və qlobal əhəmiyyətli infrastruktur layihələri, həmçinin Koreya Respublikası istiqamətində neft məhsulları və mayeləşdirilmiş təbii qazın təchizatı barədə məlumatları diqqətə çatdırıb. Bildirilib ki, Azərbaycan tarixən karbohidrogen resursları ilə zəngin ölkə kimi tanınsa da, hazırda əsas hədəflərdən biri ölkəmizdə bərpa olunan enerji mənbələri üzrə qoyuluş gücünün 2030-cu ilədək 17 faizdən 30 faizə çatdırılmasıdır: “Dövlətimizin başçısı bərpa olunan enerjinin inkişafına xüsusi diqqət yetirir. Sosial-iqtisadi inkişafa dair milli prioritetlərdən biri kimi “yaşıl artım” ölkəsinə çevrilmək və təmiz ətraf mühitə nail olmaq, həmçinin işğaldan azad edilmiş ərazilərdə “yaşıl enerji zonası”nın yaradılması üçün mühüm strateji vəzifələr müəyyənləşdirilib. Bu istiqamətdə atılan addımlar bərpa olunan enerji üzrə hədəflərimizə yüksək dəstəyi təmin edəcək”, - deyə nazir əlavə edib. Nazir azad edilmiş ərazilərin enerji tələbatının ödənilməsində bərpa olunan enerji mənbələrindən maksimum istifadə ilə dünyada unikal zonaya çevriləcəyini vurğulayıb.

Görüşdə, həmçinin Xəzər dənizində yüksək külək enerjisi potensialı, bu potensial hesabına yaşıl hidrogen istehsalı və ixracı perspektivləri haqqında məlumat verilib, müvafiq istiqamətdə əməkdaşlıq imkanlarının olduğu qeyd edilib. Energetika sahəsində qanunvericilik bazasının gücləndirilməsi istiqamətində görülən işlər də qarşı tərəfin diqqətinə çatdırılıb.

Şimali İqtisadi Əməkdaşlıq Komitəsinin nazir statusunda sədri Çong Soo Park isə Koreyanın yeni şimal siyasəti barədə məlumat verərək, siyasətin əhatə etdiyi 14 ölkə sırasında Azərbaycanın coğrafi olaraq ən uzaqda yerləşməsinə baxmayaraq, iki ölkəni sıx münasibətlərin birləşdirdiyini qeyd edib. O, Koreyanın enerji siyasəti, bərpa olunan enerji mənbələrindən istifadə və ətraf mühitin qorunması istiqamətində görülmüş işlər haqqında danışıb. Ölkəsində “yaşıl enerji”, o cümlədən hidrogen enerjisi sahəsində fəaliyyət göstərən tanınmış şirkətlərin olduğunu bildirən sədr, bu istiqamətdə Azərbaycanın hədəflərinin Koreya şirkətləri ilə əməkdaşlıq üçün potensialı yaratdığını bildirib.

Görüş zamanı “yaşıl enerji” sahəsində fəaliyyət göstərən Koreya şirkətləri üçün Azərbaycanda müvafiq investisiya imkanları haqqında məlumatlandırma tədbirinin əhəmiyyəti qeyd edilib. Energetika sahəsi üzrə müxtəlif istiqamətlərdə əməkdaşlıq perspektivləri ətrafında fikir mübadiləsi aparılıb.

BeynəlxalqBVF qlobal iqtisadiyyatın İkinci Dünya Müharibəsindən sonra ən pis vəziyyətə düşdüyünü bildirib İqtisadiyyatDövlət satınalmalarının təşkili mövzusunda seminar keçirilib İqtisadiyyatBu gün Bakıda “TEKNOFEST Azərbaycan” festivalı başlayır VergiNağdsız qaydada alınmış yaşayış və qeyri-yaşayış sahələrinə görə ödənilmiş əlavə dəyər vergisi geri qaytarılır VergiHəyata keçirilən islahatlar qeyri-neft-qaz sektorundan vergi daxilolmalarının əhəmiyyətli artımına səbəb olub İqtisadiyyatÖlkədə bağlanmış əmək müqavilələrinin sayı may ayının 1-nə 1 milyon 691,9 min olub VergiƏDV tətbiq edilməklə satılmış bəzi mallara görə hesablanmış ƏDV məbləğləri azaldılacaq İqtisadiyyatİqtisadiyyat naziri Mikayıl Cabbarov Səudiyyə Ərəbistanı Krallığının investisiya naziri ilə görüşüb İqtisadiyyatBirləşmiş Ərəb Əmirlikləri ilə iqtisadi-ticarət əlaqələri və əməkdaşlıq perspektivləri müzakirə edilib İqtisadiyyatAzərbaycanda iqtisadiyyatın şaxələndirilməsi, yaşıl iqtisadi artım məsələləri müzakirə olunub