2019-cu ilin yanvar ayında ölkədə fəaliyyət göstərən müəssisə, təşkilat və fərdi sahibkarlar 5 milyard 929 milyon 5 min manat dəyərində ümumi daxili məhsul (ÜDM) istehsal ediblər. Dövlət Statistika Komitəsindən verilən məlumata görə, bu göstərici ötən ilin ilk ayı ilə müqayisədə 2,9 faiz çoxdur.

Ötən ay iqtisadiyyatın qeyri-neft sektorunda istehsal olunan əlavə dəyər 2,7 faiz, neft sektorunda isə 3,2 faiz artıb. ÜDM istehsalının 45,9 faizi sənayedə, 10,2 faizi ticarət və nəqliyyat vasitələrinin təmiri sahələrində, 7,3 faizi nəqliyyat və anbar təsərrüfatı sahələrində, 5,6 faizi tikintidə, 3 faizi kənd təsərrüfatı, meşə təsərrüfatı və balıqçılıq, 2,7 faizi turistlərin yerləşdirilməsi və ictimai iaşə, 1,7 faizi informasiya və rabitə sahələrində, 17,2 faizi digər sahələrdə istehsal edilib.

Məhsula və idxala xalis vergilər ÜDM-in 6,4 faizini təşkil edib. Əhalinin hər nəfərinə düşən ÜDM 601,1 manat olub.