22 Mart 2023

VERGİLƏR

SOSİAL-İQTİSADİ ONLAYN QƏZET

Rüfət Əzizov: "Qeyri-leqal bizneslərin rəsmiləşməsi investisiyaları təşviq edir"

"Unimetal" MMC-nin direktoru Rüfət Əzizov "Vergi islahatları: birlikdə kölgədən işıqlığa doğru" mövzusunda keçirilən konfransdakı çıxışında bildirib ki, son bir neçə ildə ölkədə aparılan islahatlar nəticəsində şəffaflığın təmin olunması istiqamətində əhəmiyyətli addımlar atılıb. O, bunun investisiya mühitinə təsirlərini önə çəkib. Şirkətlərin xərclərinin, maliyyə hesabatlarının rəsmiləşdirilməsinin banklar, maliyyə institutları ilə müzakirələr zamanı onların biznes kreditlərinə çıxışına müsbət təsir etiyini deyib. Bununla şirkətlərin sərfəli kredit əldə etmək imkanları çoxalır və beləliklə əlavə investisiyaların artımına şəriat yaranır.

R.Əzizov daha bir müsbət məqam kimi İqtisadiyyat Nazirliyi tərəfindən verilən təşviq sənədlərində nəzərdə tutulan vergi güzəştlərini vurğulayıb.

Qeyd edilib ki, bütün dünyada qeyri-leqal bizneslər qanunsuz elektrik enerjisi və digər resursların istifadəsi, eləcə də vergidən yayınmanın əsas mənbəyidir. Vergi ilə yanaşı, gömrük sistemində də müsbət dəyişikliklərin olduğunu bildirən R.Əzizov mövcud probemlərə də toxunub: "Bütün bu müsbət dəyişikliklərə baxmayaraq bəzi problemlərimiz də qalmaqdadır. Keçid dövründə sahibkarlar dövlətin, Vergilər Nazirliyinin islahat sürətinə, yeni qaydalara tam transformasiya ola bilmir. Burada da obyektiv səbəblər var. Müxtəlif tələblərin transformasiyası üçün müəyyən vaxt lazımdır. Ona görə də, hesab edirəm ki, bu keçid dövründə sahibkarlara müəyyən güzəştlər edilməlidir, dostcasına yanaşılmalıdır və iqtisadi perspektivlər nəzərə alınmalıdır".

R.Əzizov problemlərdən biri kimi bəzi şirkətlərdə əmlak və avadanlıqların tam qeydiyyatda olmamasını qeyd edib. Avadanlıq balansda olmadığından sahibkar ona xərclənən vəsaitləri amortizasiya xərclərinə sala bilmir, nəticədə mənfəəti və vergisi çoxalır. Digər tərəfdən, sahibkarlar həmin avadanlıqlarından banklarla, maliyyə institutları ilə münasibətlərdə girov kimi istifadə edə bilmir, onların kredit almaq imkanları məhdudlaşır.

R.Əzizov qeyd edib ki, bazarda uzun müddət qalmaq üçün yüksək keyfiyyət olmalıdır ki, həm hər hansı brend bazarda tanınsın, həm də şikayətlərin yaranmasına səbəb olan çatışmazlıqlar aradan qaldırılsın.

Fərqanə ALLAHVERDİQIZI

İqtisadiyyatAğdam Sənaye Parkında rezidentlərin sayı 14-ə çatıb VergiAzərbaycan BEPS fəaliyyətləri üzrə öhdəliklərin icrasına başlayıb VergiHüquqi şəxs digər hüquqi şəxsə qoşulduqda vergi öhdəliyi necə tənzimlənir? İqtisadiyyatXamis Seyranov: “Yeni Rəqabət Məcəlləsi bir sıra üstünlüklərə malikdir” VergiVergi təşəbbüsləri və rəqəmsallaşma mövzuları üzrə təlim-seminar keçirilir İqtisadiyyatLatviya ilə potensial əməkdaşlıq imkanları müzakirə olunub VergiNaxçıvanda obyektlərin 50,6 faizində yeni nəsil NKA quraşdırılıb İqtisadiyyatEgils Levits Bakıda Azərbaycan və Latviya iş adamları ilə görüşüb VergiKeçmiş dövrlərdə artıq ödənilmiş ƏDV məbləği sonradan əvəzləşdirilə bilərmi? XəbərlərPrezident İlham Əliyev: “Biz pandemiya ilə mübarizə üçün 80 dövlətə yardım etmişik”