16 Noyabr 2026
SOSİAL-İQTİSADİ ONLAYN QƏZET
Naxçıvanda ictimai iaşə obyektlərinin vergi öhdəlikləri ilə bağlı görüşlər keçirilib

Naxçıvanda ictimai iaşə obyektlərinin vergi öhdəlikləri ilə bağlı görüşlər keçirilib

Naxçıvan Muxtar Respublikasında ictimai iaşə fəaliyyəti ilə məşğul olan vergi ödəyicilərinin məlumatlandırılması məqsədilə “İctimai iaşə obyektlərinin və həmin obyektlərdə müştərilərə xidmət göstərən fiziki şəxslərin vergi öhdəlikləri” mövzusunda maarifləndirici görüşlər təşkil olunub.

Görüşlərdə 2026-cı il yanvarın 1-dən etibarən Naxçıvan Muxtar Respublikasının rezidentləri üçün tətbiq edilən 10 illik vergi və sosial sığorta güzəştləri barədə ətraflı məlumat verilib. Qeyd olunub ki, ictimai iaşə obyektlərində müştərilərə xidmət göstərən fiziki şəxslər müəyyən edilmiş qaydada rezident statusu əldə etməklə müvafiq güzəştlərdən yararlana bilərlər. Bu məqsədlə fiziki şəxslərin müraciəti əsasında onların rezidentliyinin müəyyən edilməsi mexanizmi tətbiq olunur.

Tədbirlər çərçivəsində iştirakçılara sadələşdirilmiş vergi üzrə sabit məbləğin, məcburi dövlət sosial sığorta və icbari tibbi sığorta haqlarının ödənilməsi, müvafiq qəbzlərin əldə edilməsi, vergi öhdəliklərinin düzgün yerinə yetirilməsi, eləcə də nağdsız hesablaşmaların üstünlükləri barədə ətraflı izahatlar verilib.

Diqqətə çatdırılıb ki, Dövlət Vergi Xidmətinin əsas məqsədi sahibkarlara vergi qanunvericiiyinin tətbiqi ilə bağlı dəstək göstərmək, vergi münasibətlərində şəffaflığı təşviq etmək və onların nəzərdə tutulan 10 illik güzəştlərdən tam şəkildə yararlanmalarına şərait yaratmaqdır.

Görüşlər iştirakçıların mövzu ilə bağlı suallarının cavablandırılması və müzakirələrlə davam etdirilib.

VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır? VergiKirayə haqqından vergi necə hesablanır?