Vergi uçotuna alınmadan fəaliyyət göstərən fiziki şəxsə maliyyə sanksiyası tətbiq edilirmi?

Vergi uçotuna alınmadan restoran fəaliyyəti ilə məşğul olan fiziki şəxsə qanunvericiliyə əsasən hər hansı cərimə və ya maliyyə sanksiyası tətbiq edilirmi?

İqtisadiyyat Nazirliyi yanında Dövlət Vergi Xidmətindən bildirilib ki, Vergi Məcəlləsinin 33.4-cü maddəsinin müddəalarına əsasən, hüquqi şəxs yaratmadan sahibkarlıq fəaliyyətini həyata keçirən fiziki şəxs ərizəni, sahibkarlıq fəaliyyətinə başladığı günədək vergi orqanına verməlidir. Vergi Məcəlləsinin 58.2-ci maddəsinə əsasən, bu Məcəllənin 33.4-cü maddəsində göstərilən müddətdə vergi orqanında uçota alınmaq üçün ərizənin verilməməsinə görə 200 manat məbləğində maliyyə sanksiyası tətbiq edilir.

Əsas: Vergi Məcəlləsinin 33.4-cü və 58.2-ci maddələri