Qazaxıstanın Şımkent şəhərində MDB iştirakçısı olan dövlətlərin vergi xidmətlərinin Beynəlxalq Gənclər Forumu və müştəriyönümlülük üzrə İşçi Qrupunun iclası keçirilib. İclasda İqtisadiyyat Nazirliyi yanında Dövlət Vergi Xidmətinin nümayəndə heyəti iştirak edib.

Tədbir çərçivəsində vergi xidmətlərində müştəriyönümlü yanaşmanın gücləndirilməsi, dövlət xidmətlərinin daha çevik və istifadəçi mərkəzli modelə uyğunlaşdırılması, eləcə də müasir idarəetmə və rəqəmsal bacarıqların inkişaf etdirilməsi müzakirə olunub.

İştirakçılar vergi orqanlarında çalışan əməkdaşlar üçün tələb olunan müştəriyönümlü səriştələrin müəyyənləşdirilməsi, xidmət keyfiyyətinin artırılması və vergi öhdəliklərinin icrası proseslərində müştəriyönümlülük prinsiplərinin tətbiqi barədə təcrübələri bölüşüblər.