Ümummilli Liderin xatirəsinə həsr olunmuş intellektual turnirin ikinci yarımfinal mərhələsi keçirilib

İqtisadiyyat Nazirliyi yanında Dövlət Vergi Xidmətində (DVX) ümummilli lider Heydər Əliyevin xatirəsinə həsr olunmuş “Nə? Harada? Nə zaman?” intellektual turnirin ikinci yarımfinal mərhələsi keçirilib. DVX rəisinin müşaviri, Vergi ödəyicilərinə xidmət baş idarəsinin rəisi Elçin Məmmədov çıxış edərək intellektual turnirin əhəmiyyəti, vergi işçiləri arasında kommunikasiyanın gücləndirilməsi və komanda işinin təşkilinə töhfələri barədə fikirlərini bölüşərək komandalara uğurlar arzulayıb.

Turnirin bu mərhələsinə 24 komanda qatılıb. Altı raunddan ibarət oyunda iştirakçılar müxtəlif mövzulara aid suallara cavab tapmağa çalışıblar. Hər raundun sonunda cavablar təşkilatçı tərəfindən təqdim edilən xüsusi məlumat formasında təhvil verilib. Cavablar turnirin münsiflər heyəti tərəfindən qiymətləndirilib. Bununla da ikinci yarımfinal mərhələsində uğurlu nəticə göstərən daha 12 komanda finala vəsiqə qazanıb.

Xatırladaq ki, turnirin final mərhələsi may ayında keçiriləcək.