2019-cu ilin əvvəli ilə müqayisədə 2025-ci ildə qeyri-neft-qaz sektorunun özəl bölməsi üzrə əmək müqavilələrinin cəmi müqavilələrin sayında xüsusi çəkisi 38,5%-dən 54,4%-ə yüksəlib. Sektorda müqavilələrin sayı isə 1,9 dəfə artaraq 1 milyonu ötüb və dövlət sektorunun göstəricisini üstələməyə davam edir.

Bu sözləri iqtisadiyyat naziri Mikayıl Cabbarov İqtisadiyyat Nazirliyi yanında Dövlət Vergi Xidməti tərəfindən təşkil olunmuş “Vergi sistemində gələcəyə baxış: yeni idarəetmə modeli və data əsaslı qərarlar” mövzusunda Forumdakı çıxışında deyib.

Nazir bildirib ki, vergi daxilolmalarında 2025-ci il üzrə əldə olunan nəticə - 16,4 mlrd. manat həcmində yığım son illərin ən yüksək göstəricisidir. 2018-ci illə müqayisə etsək, vergi daxilolmaları 2,2 dəfə, o cümlədən qeyri-neft-qaz sektoru üzrə 2,4 dəfə artıb.