“Dövlət Vergi Xidməti strateji inkişaf mərhələsində: təşkilati dəyişikliklər və gözləntilər” VİDEO
İqtisadiyyat Nazirliyi yanında Dövlət Vergi Xidmətinin Şamaxı rayonunda yerləşən Tədris Mərkəzində “Dövlət Vergi Xidməti strateji inkişaf mərhələsində: təşkilati dəyişikliklər və gözləntilər” mövzusunda daxili kommunikasiya və komanda quruculuğu tədbiri keçirilib. Tədbirin rəsmi hissəsində DVX-nin 2025-ci il üzrə fəaliyyətinin yekunları, strateji inkişaf çərçivəsində həyata keçirilən təşkilati dəyişikliklər, yeni idarəetmə yanaşmaları və gözləntilər müzakirə olunub. Komanda quruculuğu sessiyasında isə DVX-nin təşkilati dəyərlərinin gündəlik fəaliyyətə inteqrasiyası və əsas institusional prinsiplərin möhkəmləndirilməsi diqqət mərkəzində olub.
