Dövlət Vergi Xidməti onlayn sorğu keçirir

İqtisadiyyat Nazirliyi yanında Dövlət Vergi Xidməti “Hüquqi şəxsin (təşkilatın) filialının (bölməsinin) vergi uçotuna alınması” xidməti ilə bağlı onlayn sorğu keçirir.

Sorğunun məqsədi xidmətin istifadə rahatlığı, əlçatanlığı və vətəndaşların məmnunluq səviyyəsini qiymətləndirməkdir. Sorğu anonim qaydada keçirilir və iştirakçılardan heç bir fərdi məlumat toplanmır.

Vergi ödəyiciləri və vətəndaşlar bu link vasitəsilə sorğuda iştirak etməklə xidmətin daha da təkmilləşdirilməsinə və istifadəçi rahatlığının artırılmasına öz töhfələrini verə bilərlər.