DVX 13-cü Karyera Sərgisində iştirak edib
ADA Universitetində 13-cü Karyera sərgisi keçirilib. Sərgidə 152 şirkət və insan resursları üzrə 350-dən çox nümayəndə iştirak edib. Karyera sərgisi gənclərə əmək bazarında təmsil olunan qurum və şirkətləri daha yaxından tanımaq, özlərinə uyğun iş imkanlarını asanlıqla tapmaq fürsəti verib.
Sərgiyə Dövlət Vergi Xidməti (DVX) öz stendi ilə qatılıb. Burada tələbələrə DVX-də yaradılan iş imkanları, işə qəbul prosesi, ali təhsil müəssisələrinin tələbələri üçün təşkil olunan Yay Təcrübə Proqramı barədə ətraflı məlumat verilib.
