2019-cu ilin 1-ci yarımilliyində Vergilər Nazirliyinin Çağrı Mərkəzinə 380.323 zəng daxil olub. Canlı əlaqə zamanı daxil olmuş zənglərin 76 faizi Çağrı Mərkəzinin əməkdaşları tərəfindən cavablandırılıb.

Mürəkkəb xarakterli 7.159 müraciətlə bağlı müraciət vərəqəsi tərtib edilib ki, bu da ötən ilin müvafiq dövrü ilə müqayisədə 85,2 faiz çoxdur.

Hesabat dövründə məcburi dövlət sosial sığorta və işsizlikdən sığorta haqları ilə bağlı cavablandırılmış müraciətlərin xüsusi çəkisi ümumi müraciətlərin 16,2 faizini təşkil edib.

Vergi növləri barədə məlumat əldə etmək üçün 18.292, vergi borcu barədə məlumat əldə etmək üçün 21.519, zəng sifariş etmək üçün 4.905 dəfə səsli menyudan istifadə edilib.

Hesabat dövründə vergi ödəyicilərinə 774.675 SMS göndərilib.