Ötən il qeyri-neft sektoru üzrə dövriyyələrin həcmində artım göstəriciləri 10,2 faizin, ƏDV üzrə dövriyyələrdə 10,6 faizin, o cümlədən elektron qaimə-faktura üzrə dövriyyələrdə 15,6 faizin üzərində olub.

“Vergi sistemi yeni inkişaf dövründə: davamlı iqtisadiyyat üçün strateji hədəflər” Forumundakı çıxışında bu barədə məlumat verən İqtisadiyyat Nazirliyi yanında Dövlət Vergi Xidmətinin rəisi Orxan Nəzərli daha bir mühüm göstəricini diqqətə çatdırıb. O bildirib ki, dövriyyələrin şəffaflaşmasında mühüm rol oynayan yeni nəsil nəzarət-kassa aparatları üzrə dövriyyələrin həcmi 2023-cü ildə 22,0 mlrd. manata çatıb.