22 Noyabr 2026
SOSİAL-İQTİSADİ ONLAYN QƏZET
Güzəştli vergi tutulan ölkələrə edilən ödəmələrlə bağlı qanunvericilik təkmilləşdirilib

Güzəştli vergi tutulan ölkələrə edilən ödəmələrlə bağlı qanunvericilik təkmilləşdirilib

2023-cü il yanvarın 1-dən qüvvəyə minmiş Vergi Məcəlləsinə dəyişikliklərdən biri güzəştli vergi tutulan ölkələrə edilən ödəmələrlə bağlıdır. Vergi mütəxəssisi İlqar Əsədov həmin dəyişikliyi şərh edir.

Vergi Məcəlləsinin 13.2.16.14-1-ci maddəsinə edilən dəyişikliyə əsasən, güzəştli vergi tutulan ölkələrə edilən ödəmələrin Azərbaycan mənbəyindən gəlir hesab edilməsi ilə bağlı istisnalara daha bir istisna əlavə edilib:

"Qeyri-rezidentin daimi nümayəndəliyinin xalis mənfəəti həmin qeyri-rezidentə köçürüldükdə (verildikdə)"

Qeyd edim ki, qeyri-rezidentin daimi nümayəndəliyi özünün xalis mənfəətini ana müəssisəsinə köçürə bilər. Həmin köçürmə, Vergi Məcəlləsinin 126-cı maddədinə əsasən, 10 faiz dərəcə ilə ödəmə mənbəyində vergiyə cəlb olunur.

Bundan başqa, daha əvvəl ana müəssisə güzəştli vergi tutulan ölkədə yerləşirdisə, yaxud ana müəssisənin hesabı güzəştli vergi tutulan ölkədəki bankda idisə və ödəmə həmin hesaba edilirdisə, həmin ödəmədən Vergi Məcəlləsinin 125-1-ci maddəsinə əsasən 10 faiz dərəcə ilə vergi tutulurdu.

Beləliklə, Vergi Məcəlləsinin 126 və 125-1-ci maddələri müstəqil normalar olduğu üçün qeyri-rezident ana müəssisəsinə yuxarıda qeyd edilmiş hal üzrə köçürmələrdən 2 dəfə 10 faiz vergi tutulmalı olurdu.
Yeni dəyişikliklə bu hal aradan qaldırılıb. Həmin vəsaitlər Vergi Məcəlləsinin 125-1-ci maddəsi üzrə tutulmadan azad edilib. Məcəllənin 126-cı maddəsi üzrə tutulma isə qüvvədə qalıb.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?