2025-ci ilin nəticələrinə əsasən, Aqrar Sığorta Fondu tərəfindən ölkənin 54 rayonunda ümumilikdə 9,2 milyon manat məbləğində sığorta ödənişləri həyata keçirilib.

Fondun məlumatına görə, ötən il bitkiçilik məhsulları ilə bağlı baş verən zərərlər üzrə ölkənin 51 rayonunda ümumi məbləği 8,8 milyon manat olan ödənişlər həyata keçirilib.

Əvvəlki illə müqayisədə 2025-ci ildə Zərdab, Astara, Oğuz, Abşeron, Siyəzən, Xızı, Sabunçu və Cəbrayıl rayonlarında, eləcə də ilk dəfə olaraq Naxçıvan Muxtar Respublikasında – Bəbək və Şahbuz rayonlarında sığorta ödənişləri edilib.

2025-ci ildə heyvandarlıq təsərrüfatlarında baş vermiş hadisələr üzrə 21 rayonda təsərrüfatlara sığorta ödənişləri həyata keçirilib. Heyvandarlıq təsərrüfatları üzrə ödənişlərin ümumi məbləği 400 min manat təşkil edib.