İstehsalatda baş verən bədbəxt hadisələrin araşdırılması qaydası Əmək Məcəlləsinin 217-ci maddəsi ilə tənzimlənir.

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin məlumatına əsasən, burada işəgötürənin konkret öhdəliyi var. Belə ki, istehsalatda baş verən bədbəxt hadisə barədə, ağırlıq dərəcəsindən asılı olmayaraq, hadisə baş verən gün Dövlət Əmək Müfəttişliyi Xidmətinə məlumat verilməlidir.

Xidmətə daxil olan məlumat əsasında hadisənin istehsalatla bağlılığını müəyyən etmək üçün qanunvericiliyə uyğun komissiya yaradılır.

Araşdırma başa çatdıqdan sonra 1 gün ərzində müvafiq akt tərtib edilir və onun bir nüsxəsi zərərçəkən işçiyə təqdim olunur.

Bədbəxt hadisə faktını gizlədən və ya akt tərtibindən boyun qaçıran işəgötürən qanunvericiliklə məsuliyyət daşıyır.