17 May 2022

VERGİLƏR

SOSİAL-İQTİSADİ ONLAYN QƏZET

2022-ci il üçün İşsizlikdən Sığorta Fondunun gəlirləri 180 milyon manat proqnozlaşdırılır

Prezident İlham Əliyevin islahatlar proqramına uyğun olaraq məşğulluq xidmətlərinin beynəlxalq təcrübə və innovasiyalar əsasında qurulması əhaliyə göstərilən xidmətlərin çeşidi və əhatə dairəsinin genişləndirilməsi, elektron xidmətlərin sayının artırılması və şəffaflığın təmin edilməsi istiqamətində ardıcıl və sistemli işlər görülür. 2019-2030-cu illəri əhatə edən məşğulluq strategiyasında müəyyən edilmiş hədəflərə uyğun olaraq əmək bazarının inkişafı, işsiz və iş axtaran şəxslərin sosial müdafiəsinin gücləndirilməsi istiqamətində tədbirlər həyata keçirilir. Cari ilin 10 ayında məşğulluq orqanları tərəfindən 68 min 500 nəfər şəxs işlə təmin edilib. İşsiz və iş axtaranların elektron qeydiyyatı yaradılıb.

Bu fikirləri əmək və əhalinin sosial müdafiəsi nazirinin müavini Anar Kərimov Milli Məclisdə 2022-ci il dövlət büdcəsinin müzakirəsi zamanı söyləyib.

Nazir müavini bildirib ki, 2022-ci il üçün İşsizlikdən Sığorta Fondunun gəlirləri 180 milyon manat proqnozlaşdırılır. Ümumi gəlirlərin 76 faizi və ya 136 milyon manatı məhz işsizlikdən sığorta haqları hesabına formalaşır, bu, cari ilə nisbətən 16 milyon manat və ya 14 faiz çoxdur. Fondun 2022-ci il üçün proqnozlaşdırılan 180 milyon manat məbləğdə xərclərin 76 milyon manatı özünə məşğulluq proqramının təşkilinə, 8,5 milyon manatı işsizliyə görə sığorta ödənişlərinə, 9 milyon manatı peşə hazırlığı və əlavə təhsilin təşkilinə, 1 milyon manatı peşə standartlarının hazırlanmasına, 2 milyon manatı peşəyönümlü məsləhət xidmətlərinin göstərilməsinə, 1 milyon manatı əmək yarmarkalarının təşkilinə, 2,5 milyon manatı haqqı ödənilər ictimai işlərin təşkilinə, 3 milyon manatı isə sosial iş yerlərində əməkhaqqın bir hissəsinin, 1 milyon manatı sosial müdafiə xüsusi ehtiyacı olan şəxslər üçün əlavə iş yerlərinin yaradılmasının maliyyələşdirilməsinə yönəldiləcək.

VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb İqtisadiyyatƏmlak Xidmətləri Məkanında bir gün FOTOREPORTAJ İqtisadiyyatİstedadlarla karyera yolları arasında körpü MüsahibələrMehdi Babayev: Şəffaflıq istiqamətində vergi tətbiqləri vergi ödəmə mədəniyyətini formalaşdırıb MÜSAHİBƏ VergiDövlət Vergi Xidmətinin rəisi bank sektorunun nümayəndələri ilə görüşüb