14 May 2021

VERGİLƏR

SOSİAL-İQTİSADİ ONLAYN QƏZET

“Məşğulluğa dəstək layihəsi”nin icra edilməsinə başlanıb

Dünya Bankının dəstəyi ilə Azərbaycan Hökuməti tərəfindən həyata keçirilən “Məşğulluğa dəstək layihəsi” çərçivəsində özünüməşğulluq proqramına qoşulmaq istəyən vətəndaşların müraciətlərinin qəbuluna başlanıb.

Dövlət Məşğulluq Agentliyinin məlumatında bildirilir ki, layihə qabaqcıl beynəlxalq təcrübə əsasında özünüməşğulluq proqramının genişləndirilməsinə dəstək məqsədi daşıyır. İşsiz kimi qeydiyyatda olan əlilliyi olan şəxslər, şəhid ailəsi üzvləri, məcburi köçkünlər, ünvanlı dövlət sosial yardımı alanlar, qadınlar, gənclər və həssas qruplardan olan digər şəxslərin layihəyə cəlb edilməsi nəzərədə tutulub. Onlar üçün Dünya Bankının dəstəyi ilə kiçik biznes imkanları yaradılacaq.

2021-2025-ci illəri əhatə edəcək layihə üzrə qeyd edilən kateqoriyalardan olan 22 min işsiz şəxsin, o cümlədən bu il 6 min işsiz şəxsin proqrama cəlb edilməsi nəzərdə tutulub.