19 Noyabr 2026
SOSİAL-İQTİSADİ ONLAYN QƏZET
Xəzər dənizinin sahilboyu ərazilərində yeni idarəetmə mexanizmlərinin tətbiqi ilə bağlı brifinq keçirilib

Xəzər dənizinin sahilboyu ərazilərində yeni idarəetmə mexanizmlərinin tətbiqi ilə bağlı brifinq keçirilib

İqtisadiyyat Nazirliyi yanında Əmlak Məsələləri Dövlət Xidməti tərəfindən Xəzər dənizinin sahilboyu ərazilərində yeni idarəetmə mexanizmlərinin tətbiqi ilə bağlı brifinq keçirilib.

Dövlət başçısının 16 noyabr 2026-cı il tarixli “Xəzər dənizinin (gölünün) Azərbaycan Respublikasına mənsub olan bölməsinin sahilboyu ərazilərində dövlət idarəetməsinin təkmilləşdirilməsinə dair tədbirlər haqqında” Fərmanının mühüm əhəmiyyət kəsb etdiyi vurğulanıb. Fərman sahilboyu ərazilərdə ekoloji sabitliyin təmin edilməsinə, torpaqlardan səmərəli istifadəyə və onların mühafizəsinə dövlət nəzarətinin gücləndirilməsinə, eləcə də dövlət orqanlarının fəaliyyətinin əlaqələndirilməsinə və rəqəmsal idarəetmə modellərinin tətbiqinə xidmət edir.

Qeyd edilib ki, İqtisadiyyat Nazirliyi yanında Əmlak Məsələləri Dövlət Xidməti tərəfindən sahilboyu ərazilərdə idarəetmə və nəzarət sahələrində iştirak edən dövlət orqanlarının fəaliyyətinin əlaqələndirilməsi, habelə torpaqlardan istifadə və onların mühafizəsi sahəsində vahid dövlət siyasətinin həyata keçirilməsi istiqamətində tədbirlər görüləcək. “Rəqəmsal sahil idarəetməsi” informasiya sisteminin yaradılması, əhali və sahibkarlara göstərilən xidmətlərin “bir pəncərə” prinsipi ilə təşkil olunması, sahilboyu ərazilərin hüquqi statusu və zonalaşdırılmasının müəyyənləşdirilməsi və qanunvericiliyin təkmilləşdirilməsi sahəsində işlər görüləcək.

Brifinqdə Əmlak Məsələləri Dövlət Xidmətinin rəis müavini Hüseyn Əliyev, Xidmətin Torpaqların dövlət idarəetməsinin təşkili və geodeziya şöbəsinin müdiri İlqar Həbiyev, Xidmətin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədr müavini Fərid Cəfərov Fərmanın icrası, sahilboyu ərazilərin idarə olunması, torpaqlardan istifadə və onların mühafizəsi, zonalaşdırma, rəqəmsal idarəetmə və dövlət nəzarəti mexanizmləri barədə media subyektlərinin suallarını cavablandırıblar.

Qeyd edək ki, altı ay müddətində Nazirlər Kabineti tərəfindən İqtisadiyyat Nazirliyinin təklifləri əsasında və beynəlxalq təcrübə nəzərə alınmaqla, sahilboyu ərazilərə xüsusi statusun verilməsi, zonalaşdırılması və bu ərazilərdə ekologiya, turizm və digər fəaliyyət sahələri üzrə dövlət nəzarətinin vahid mərkəzdən əlaqələndirilməsi üçün qanunvericiliyin təkmilləşdirilməsi, eləcə də torpaqların dövlət mühafizəsinin gücləndirilməsi, qanunsuz zəbt hallarının qarşısının alınması və bu pozuntulara görə inzibati və cinayət məsuliyyəti tədbirlərinin gücləndirilməsi ilə bağlı yeni qanun layihələrinin hazırlanmasına dair təkliflər hazırlanıb Azərbaycan Respublikasının Prezidentinə təqdim ediləcək.

VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur?