“Azərbaycan Respublikasının Prezidenti cənab İlham Əliyev və Çex Respublikasının Baş naziri Andrey Babişin iştirakı ilə keçirilən Azərbaycan – Çexiya biznes-forumunda ölkələrimizin biznes tərəfdaşlığının möhkəmləndirilməsi imkanlarını qeyd etdik.

Ticarət, investisiya, nəqliyyat, logistika, yaşıl enerji, kənd təsərrüfatı və digər sahələrdə əməkdaşlığın perspektivləri, birgə fəaliyyətin təşviqi və işgüzar təmasların artırılması barədə fikirlərimizi bölüşdük.
İrəli sürülən ortaq təşəbbüslər və iqtisadi münasibətlərin keyfiyyətcə yeni səviyyəyə çatması əlaqələrimizin inkişafına və əməkdaşlığın dərinləşməsinə töhfə verəcək”.

Bu barədə iqtisadiyyat naziri Mikayıl Cabbarov sosial şəbəkə hesablarında paylaşım edib.

-----

14:38

Aprelin 27-də Qəbələdə Azərbaycan Respublikasının Prezidenti İlham Əliyevin və Çex Respublikasının Baş naziri Andrey Babişin iştirakı ilə Azərbaycan-Çexiya biznes-forumu keçirilib.

Azərbaycan Prezidenti və Çexiyanın Baş naziri tədbirdə çıxış ediblər.

AZƏRTAC