24 Fevral 2024

VERGİLƏR

SOSİAL-İQTİSADİ ONLAYN QƏZET

Beynəlxalq komissiyalarda təmsilçilik islahatlara daha yaxından töhfə vermək imkanı yaradacaq

İqtisadi İslahatların Təhlili və Kommunikasiya Mərkəzinin təşəbbüsü ilə Kiçik və Orta Biznesin İnkişafı Agentliyində (KOBİA) Biznes mühiti və beynəlxalq reytinqlər üzrə Komissiyanın işçi qruplarında təmsil olunacaq əməkdaşlar üçün təqdimat keçirilib. Mərkəzin mətbuat xidmətindən bildirilib ki, tədbirin keçirilməsində məqsəd KOBİA-nın Biznes mühiti və beynəlxalq reytinqlər üzrə Komissiyanın işinə daha yaxından cəlb edilməsidir.

Agentliyin idarə heyətinin sədr müavini Mehman Abbas bildirib ki, Prezident İlham Əliyevin rəhbərliyi ilə aparılan iqtisadi islahatlar nəticəsində Azərbaycanda kiçik və orta sahibkarlığın inkişafı üçün əlverişli şərait yaranıb: “KOBİA-nın Biznes mühiti və beynəlxalq reytinqlər üzrə Komissiyanın işçi qruplarında təmsilçiliyi bu sahədə aparılan islahatlara daha yaxından töhfə vermək imkanı yaradacaq”.

İİTKM-in analitiki Nərmin Kazımlı işçi qruplarında təmsil olunan 14 nümayəndəni komissiyanın işi və “Azranking.az” portalı barədə məlumatlandırıb. Həmçinin ölkədə biznes və investisiya mühitinin əlverişliliyinin artırılması və beynəlxalq reytinqlərdə ölkəmizin reytinqinin daha da yaxşılaşdırılması məqsədilə yaradılmış komissiyanın tərkibində təmsil olunan işçi qruplarının fəaliyyəti barədə məlumat verilib, işçi qruplarının səmərəli fəaliyyətinin, onlar tərəfindən irəli sürüləcək təklif və təşəbbüslərin ölkədə sahibkarlığın inkişafı və onun rəqabət qabiliyyətinin daha da yüksəldilməsi baxımından əhəmiyyətli olacağı vurğulanıb. Eyni zamanda, işçi qruplarının bu ilin ikinci yarısı üzrə təsdiq edilmiş “İcra və Kommunikasiya Planları”nda KOBİA-nın nümayəndələri ilə birgə fəaliyyətin təmin olunması tədbirlərin icrasında səmərəliliyin təmini üçün mühüm əhəmiyyət kəsb edəcək.

N.Kazımlı, həmçinin portalın funksionallığı, eyni zamanda, “Elektron” Kargüzarlıq Sistemi”ndə istifadə ilə bağlı agentliyin nümayəndələrinə ətraflı məlumatlar təqdim edib. Əlavə edib ki, bu portal Azərbaycanda Biznes mühiti və beynəlxalq reytinqlər üzrə Komissiyanın fəaliyyətinin rəqəmsal təşkili üçün yaradılıb. Portalda komissiya haqqında ümumi məlumat, qanunvericilik bazası, fəaliyyət, reytinqlər, müqayisə, onlayn müraciət və əlaqə bölümləri yer alıb.
Təqdimatın sonunda işçi qruplara cəlb ediləcək əməkdaşların təklif və fikirləri qeydə alınıb, həmçinin yaranan suallar cavablandırılıb.

VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır? VergiHansı halda şirkət sadələşdirilmiş verginin ödəyicisi olmaq hüququnu saxlayır? VergiHesabın bağlanılması və digər filialda yeni hesabın açılması üçün banka təkrar müraciət olunmalıdırmı?