20 Sentyabr 2020

VERGİLƏR

SOSİAL-İQTİSADİ ONLAYN QƏZET

Hollandiya Vergi İdarəsi qaçqınlara ayrı-seçkilik qoymaqda ittiham olunur

Hollandiyada fəaliyyət göstərən Şəxsi Məlumatları Qoruma Qurumu (AP) Vergi İdarəsində vətəndaşlıq kimi şəxsi məlumatların istifadə edilməsi ilə bağlı apardığı araşdırmanın ilk mərhələsinin nəticələri barədə yazılı açıqlama verib.

Açıqlamada Vergi İdarəsi tərəfindən uşaqlar üçün müavinət ödənişləri ilə bağlı müraciətlərin qiymətləndirilməsinin və dələduzluq hallarının təsbitinin ədalətsiz olduğu, ayrı-seçkiliyə yol verdiyi və məxfiliklə bağlı qanunu ciddi şəkildə pozduğu qeyd edilib.

Açıqlamada göstərilib ki, ikili vətəndaşlıq uşaqlar üçün müavinət ödənişləri ilə bağlı müraciətin qiymətləndirilməsində meyar sayılmasa da, Vergi İdarəsi ikili vətəndaşlıqla bağlı məlumatları sistemdə saxlayır və bundan istifadə edir, halbuki qanun 2014-cü ildən bəri bu məlumatların sistemdə olmasına yol vermir.

AP-nin açıqlamasında araşdırmanın gələcək mərhələsində Vergi İdarəsinə hər hansı cəzanın tətbiq edilib-edilməyəcəyi məsələsinin qiymətləndiriləcəyi bildirilib.