28 İyun 2022

VERGİLƏR

SOSİAL-İQTİSADİ ONLAYN QƏZET

Özbəkistanda daha bir sərbəst iqtisadi zona yaradılır

Bu zonada xüsusi vergi və gömrük rejimləri tətbiq ediləcək 

Özbəkistan Prezidenti Şevket Mirziyoyev ölkənin şərqindəki Əndican vilayətində dərman sektorunun inkişaf etdirilməsini nəzərdə tutan "Əndican farm" sərbəst iqtisadi zonasının yaradılması ilə bağlı sərəncam imzalayıb.

Sərəncama əsasən, sərbəst iqtisadi zonada əlavə dəyəri yüksək olan dərman, tibbi material və avadanlıqlar istehsal edən ixtisaslaşdırılmış zavodların inşa edilməsi və bu layihə çərçivəsində aralarında Hindistanın dərman istehsalı üzrə qabaqcıl şirkətlərinin də olduğu xarici şirkətlərin birbaşa sərmayələrinin və qabaqcıl texnologiyalarının ölkəyə gətirilməsi gözlənilir.

Sərəncamda qeyd edilib ki, yaradılması nəzərdə tutulan zonada dərmanları, tibb materialları və avadanlıqları istehsal etmək üçün inşa ediləcək müəssisələrə 10 ilə qədər müddət ərzində vergi və gömrük rüsumları ilə bağlı güzəştlər tətbiq olunacaq. Sərbəst iqtisadi zonanın fəaliyyət müddəti ilkin mərhələ üçün 30 il müəyyənləşdirilsə də, gələcəkdə bu müddət uzadıla bilər.

Sərəncama əsasən, 3 milyon dollara qədər sərmayə qoyacaq şirkətlər 3 il, beş milyon dollara qədər sərmayə qoyacaq şirkətlər 5 il, 10 milyon dollardan artıq sərmayə qoyacaq şirkətlər isə 10 il ərzində bütün vergi və gömrük ödənişlərindən azad ediləcək. Sərbəst iqtisadi zonada yaradılacaq müəssisələr idxal edəcəkləri xammal, material və ehtiyat hissələri üçün gömrük rüsumları ödəməyəcəklər. Bu zonalarda fəaliyyət göstərəcək müəssisələr ikinci beşillik müddətində gəlir vergisinin 50 faizini ödəyəcəklər.

Hazırda Özbəkistan Respublikasının Nəvai, Anqren, Cizzax, Xarəzm, Buxara, Səmərqənd, Daşkənd, Sırdərya, Fərqanə və Namanqan bölgələrində xüsusi vergi və gömrük rejiminin qüvvədə olduğu 20-dək sərbəst iqtisadi zona fəaliyyət göstərir.

VergiAmortizasiya ayırmalarının gəlirdən çıxılması İqtisadiyyatBeş ayda Azərbaycanda ümumi daxili məhsul 7,2 faiz artıb İqtisadiyyatYanvar-may aylarında xarici ticarət dövriyyəsi 20 milyard dollardan çox olub Vergiİxrac qeydi ilə satış həyata keçirən şəxslərə hansı tələblər qoyulub? İqtisadiyyatYanvar-may aylarında qeyri-neft məhsullarının ixracı 30,9 faiz artıb Vergi“Biznesə daxilolma” İşçi qrupunun iclası keçirilib İqtisadiyyatAzərbaycanda “İT-Akademiya” fəaliyyətə başlayır İqtisadiyyatDaşkənddə Özbəkistan-Azərbaycan biznes forumu keçirilib İqtisadiyyatMobil telefon cihazları bazarında araşdırmalar davam etdirilir VergiYay Təcrübə Proqramının qrup tapşırıqları mərhələsi keçirilib