14 Noyabr 2019

VERGİLƏR

SOSİAL-İQTİSADİ ONLAYN QƏZET

Rusiya turoperatorları Türkiyədə gözlənilən turizm vergisi ilə bağlı açıqlama veriblər

Rusiyanın Turoperatorlar Assosiasiyasının (ATOR) açıqlamasında bildirilir ki, gələn ilin aprel ayının 1-dən Türkiyədə turistlərin otellərdə qalması üçün vergi tutulacaq. Lakin bu yığımı turistlər deyil, yerli mehmanxanalar, motellər, kempinqlər, eləcə də binaların və qonaq evlərinin icarədarları ödəyəcəklər.

Vergi yalnız turistlərin yerləşdirilməsinə görə deyil, həm də onlara göstərilən xidmətlərə, o cümlədən iaşə xidmətlərinə, hovuzlardan və SPA-lardan istifadəyə, əyləncəli və digər tədbirlərdə iştiraka görə tutulacaq. Verginin dərəcəsi turistə göstərilən xidmətin qiymətinin 1 faizi qədər olacaq. ATOR-un məlumatında qeyd edilib ki, bu vergi dərəcəsi 2020-ci ilin sonuna qədər saxlanılacaq. Növbəti ildən isə turizm vergisinin dərəcəsi 2 faizə qaldırılacaq.