4 Oktyabr 2022

VERGİLƏR

SOSİAL-İQTİSADİ ONLAYN QƏZET

Şakira vergi qalmaqalına görə İspaniyada mühakimə oluna bilər

Məşhur Kolumbiya müğənnisi Şakira vergidən yayındığına görə İspaniyada məhkəmə qarşısında cavab verməli ola bilər. İspaniyada nəşr olunan “El Pais” qəzetinin yazdığına görə, üç illik təhqiqat nəticəsində hakim bu qənaətə gəlib ki, Şakiranın müttəhimlər kürsüsünə çıxarılması üçün kifayət qədər əsaslar var. Onun 2012-2014-cü illərdə 14,5 milyon avro məbləğində vergini büdcədən yayındırdığı iddia edilir. Şakiraya qarşı altı vergi cinayəti üzrə iş qaldırılıb. Buna görə də onun öz günahını boynuna alması nəticəsində həbs oluna biləcəyi istisna edilmir.

Qeyd edək ki, Şakira 2011-ci ildən “Barselona” futbol komandasının oyuncusu Jerar Pike ilə birgə Madriddə yaşayıb. İspaniya qanunvericiliyinə görə, ölkə ərazisində yarım ildən çox yaşayan şəxs avtomatik şəkildə rezidentə çevrilir. Bu isə o deməkdir ki, rezident şəxs bütün gəlirlərindən, eləcə də xaricdə qazandığı gəlirlərdən İspaniya büdcəsinə vergi ödəməlidir. Şakira isə bildirir ki, həmin müddətdə o, Baham adalarında yaşayıb və İspaniyaya vaxtaşırı qonaq kimi gəlib.

2019-cu ilin yayında Şakira Barselonanın Espluqes-de-Lobreqat əyalətinin məhkəməsinə vergi yayındırma iddiasına əsasən ifadə vermişdi.

İqtisadiyyatRüfət Quliyev: IGB çox mühüm strateji layihədir İqtisadiyyatBu ilin 9 ayında Azərbaycan nefti 11 faizdən çox bahalaşıb Ekspert Rəyiİdxalı ƏDV-dən azad edilən malların satışı zamanı nələrə diqqət yetirilməlidir? VergiFiziki şəxslərdən kənd təsərrüfatı malları hansı qaydada alınmalıdır? İqtisadiyyatHans Holzhaker: “Azərbaycanın  nəqliyyat qovşağı kimi böyük potensialı var” VergiƏmlakın kirayəyə verilməsi hansı vergi öhdəliyi yaradır? VergiVergi islahatları biznes və investisiya mühitinin təkmilləşdirilməsinə təkan verir VergiVergi sahəsində beynəlxalq əməkdaşlıq genişləndirilir Rəsmi2023-cü il Azərbaycanda “Heydər Əliyev İli” elan edilib VergiNağdsız ödənişin kassa çekində nağd kimi göstərilməsi qanun pozuntusu sayılırmı?