Rusiyada NKA-lara nəzarət qaydaları sərtləşdirilir

Rusiya Federasiyasında nəzarət-kassa aparatları (NKA) ilə bağlı məsələlər 22 may 2003-cü il tarixli Federal qanunla tənzimlənir. 2021-ci ildən bu qanun qüvvədən düşəcək, Vergi Məcəlləsində "Operativ nəzarət" bölməsi qüvvəyə minəcək və kassa əməliyyatları onunla tənzimlənəcək.

Yeni qanunun əsas müddəaları bunlardır:

1) Vergi orqanları üç illik dövr üzrə NKA əməliyyatlarını yoxlayacaqlar, hazırda bu müddət 1 ildir;

2) Qanun pozuntusuna görə məsuliyyət müddətinin başlanma tarixi artırılacaq;

3) Alıcıdan şikayət gəldikdə vergi müfəttişinin ixtiyarı olacaq ki, eyni dövrə aid əməliyyatları bir neçə dəfə yoxlasın;

4) NKA-lara və dövriyyənin uçotunun tamlığına nəzarət çərçivəsində müfəttişlər yoxlama alışları, müşahidə, foto və videoçəkiliş, audioyazı aparmaq, şahidlər, ekspertlər, mütəxəssislər cəlb etmək səlahiyyətinə malik olacaqlar;

5) Vergi müfəttişliyi yoxlama aparmaq üçün Federal Təhlükəsizlik Xidməti orqanlarının əməkdaşlarını cəlb edə biləcək;

6) NKA-ların işindəki səhvlərə görə yeni cəzalar tətbiq olunacaq;

7) Qanun pozuntusu ilə bağlı qərardan sonra kassir 10 gün ərzində çek vurmasa, şirkətin bankdakı hesabı bağlanacaq;

8) Müfəttişə ixtiyar veriləcək ki, malların satışını həyata keçirən, lakin çek vurmayan saytları və sosial şəbəkələrdəki səhifələri bağlasın.